Ֆրանսիացի քննիչները Սեն-Մարիտիմ դեպարտամենտում մարդատար գնացքի՝ ռելսերից դուրս գալու հիմնական վարկած են դիտարկում կանխամտածված միջամտությունը։ Այս մասին հայտնում է BFM TV-ն։
Դեպքը տեղի է ունեցել սեպտեմբերի 11-ին՝ Կլեոն և Տուրվիլ-լա-Ռիվիեր քաղաքների մերձակայքում։ Վթարի հետևանքով տուժել է ավելի քան 40 մարդ։
Ոստիկանության աղբյուրների տվյալներով՝ գնացքը բախվել է դեռևս չպարզված առարկայի, ինչից հետո մեկ վագոն շրջվել է, ևս չորսը՝ դուրս եկել ռելսերից։ Քննությունը շարունակվում է, իսկ հնարավոր կանխամտածված գործողության հանգամանքներն ու շարժառիթներն առայժմ չեն հրապարակվել։
