Բեշիկթաշի մոտակայքում՝ ծովում հայտնաբերված տղամարդու մարմինը պատկանում է Ռուսաստանի քաղաքացի Նիկոլայ Անդրեևիչ Սվեչնիկովին, ով անհետացել էր 2025 թվականի օգոստոսի 24-ին՝ Ստամբուլի նեղուցով միջմայրցամաքային լողի ժամանակ, հաղորդում են թուրքական լրատվամիջոցները։
Ինքնությունը պարզելու համար օգտագործվել են Սվեչնիկովի ծնողներից վերցված ԴՆԹ-ի նմուշները։ Նրանք Ռուսաստանից ժամանել են Ստամբուլ և Հասարակական անվտանգության վարչության աշխատակիցների ուղեկցությամբ տեղափոխվել Դատական բժշկության ինստիտուտ։ Փորձաքննության արդյունքներով պաշտոնապես հաստատվել է, որ հայտնաբերված մարմինը պատկանում է Նիկոլայ Անդրեևիչ Սվեչնիկովին։
Նշվում է, որ բոլոր ընթացակարգերի ավարտից հետո մարմինը կհանձնվի ընտանիքին։
