Մասիսի Սուրբ Թադեոս Եկեղեցի — Այսօր՝ Մասյացոտն Թեմի առաջնորդ Տ. Գևորգ եպս. Սարոյանի օրհնությամբ, Մասիս քաղաքի Սբ. Թադեոս եկեղեցու Հոգևոր հովիվ Տ. Մխիթար քհն. Ալոյանը այցելեց Արցախից տեղահանված մայր և որդի՝ Գոհար և Արտյոմ Առաքելյանների ընտանիք: Տեր Հայրը կատարեց տնօրհնեքի արարողություն, այնուհետև զրույց ունեցավ նրանց հետ:
Երկու տարեկան Արտյոմին հանրությունը կհիշի դեռևս 2020թ. Սեպտեմբեր 27-ին Հայոց Արցախ աշխարհի դեմ սանձազերծված թու րք-ազրբ եջանական ահա բեկչ ական պա երազմի օրերից՝ որպես «հայ զինվորի գտած փոքրիկը»:
Ըստ մամուլի հրապարակումների՝ մայրն ու որդին Քաշաթաղի շրջանի, Գետամեջ գյուղի վերջին բնակիչներն են եղել, որոնց հայ զինվորները հայտնաբերել և փրկել են, մինչ գյուղը կանցներ թշն ամուն: Արցախից դուրս գալուց հետո ընտանիքը հայտնվել էր Գորիս քաղաքում՝ անորոշ պայմաններում:
Եվ միայն Մասիսի բնակիչ Գարիկ Ստեփանյանի հոգատարության և հետևողական ջանքերի շնորհիվ էր, որ Գոհար և Արտյոմ Առաքելյանները սույն թվականի մարտի 7-ից բնակություն հաստատեցին Մասիս քաղաքում: Ընտանիքի ողջ խնամքը այս պահին Գարիկն ու ընկերներն են հոգում: Տեր Մխիթարը քաջալերանքի խոսքեր հղեց երկուստեք՝ թե՛ Գոհար Առաքելյանին և թե՛ Գարիկ Ստեփանյանին՝ խոստանալով Առաքելյանների խնդիրը ներկայացնել Մասյացոտնի Թեմի Առաջնորդի ուշադրությանը:
