Երեւանի ընդհանուր իրավասության դատարանի Շենգավիթի նստավայրում, որտեղ քիչ անց ընթանալու է ՀՀ երկրորդ նախագահ Ռոբերտ Քոչարյանի եւ մյուսների գործով դատական նիստը՝ մեծաթիվ ոստիկաններ են կենտրոնացել։ Այս մասին հաղորդում է NEWS.am-ի թղթակիցը դատարանից։
Նշենք, որ այսօր երկրորդ նախագահը մուտք կգործի դատարան՝ կենտրոնական մուտքից։
Հիշեցնենք, որ Վերաքննիչ քրեական դատարանը հունիսի 18-ին բավարարել էր ՀՀ երկրորդ նախագահ Ռոբերտ Քոչարյանի պաշտպանների ՝ Քոչարյանի կալանքը փոխելու միջնորդությունները մերժելու մասին առաջին ատյանի դատարանի որոշման դեմ բողոքը։
Ռոբերտ Քոչարյանը 2 միլիարդ դրամ գրավի դիմաց ազատ է արձակվել։
