Ուկրաինայի նախագահ Վլադիմիր Զելենսկին հայտարարել է Ռուսաստանի Դաշնության նախագահ Վլադիմիր Պուտինի հետ Դոնբասի վերաբերյալ ուղիղ բանակցություններ սկսելու պատրաստակամության մասին՝ Մինսկում բանակցությունները տապալման դեպքում: Այս մասին նա հայտարարել է Կիեւում կայացած մամուլի ասուլիսին, փոխանցում է Korrespondent.net-ը:
«Չնայած այն հանգամանքին, որ հասարակությունն այլ կերպ է գնահատում նախագահ Զելենսկու եւ նախագահ Պուտինի միջեւ բանակցությունները, ես վստահ եմ, որ մենք պետք է անենք դա: Առանց մի կողմ դնելու Մինսկը, զուգահեռաբար, առանձին թրեքով: Կան որոշ բաներ, որոնք դու կարող հասկանալ միայն այն ժամանակ, երբ դեմ առ դեմ ես նստած, եւ կան որոշ պատասխաններ, որ դու կարող ես լսել, երբ դեմ առ դեմ ես, հարյուր տոկոսանոց եզրակացություններ անելու եւ արդեն այլ պլանով՝ պլան «Բ»-ով գնալու համար», — ասել է Զելենսկին:
Նա հավելել է, որ եւս մեկ տարի է տալիս իրեն Մինսկում բանակցություններին հաջողությունների հասնելու համար:
«Կպայքարենք մինչեւ վերջ Մինսկի համար, քանի որ Ռուսաստանի Դաշնության դեմ պատժամիջոցները կապված են Մինսկի հետ: Եվ դուք շատ լավ գիտեք, որ բոլորն ուզում են վերացնեն, եւ ոչ միայն Ռուսաստանը, եւ եվրոպական շատ երկրներ, որոնք ես հասկանում եմ, որ նրանք նույնպես տնտեսապես տուժում են այս պատժամիջոցների պատճառով: Բայց, ինչպես ես ասացի, մենք պայքարելու ենք: Ես մեկ տարի եմ տալիս, որ մենք պայքարելու ենք: Պայքարի հենց սկզբից ես, եւ կորոնավիրուսի պատճառով այս գործընթացը մի փոքր դանդաղել էր, քանի որ ես ինձ եւս մի քանի ամիս եմ տալիս մինչեւ վերջ սեղմելու համար, որպեսզի մենք կարողանանք գտնել այդ դիվանագիտական ելքն այս իրավիճակից՝ Մինսկի համաձայնագրերի համաձայն»,- շարունակել է Զելենսկին:
Ըստ Զելենսկու՝ ինքը չէր ցանկանա իրականացնել B եւ C պլանները, չնայած դրանք կան:
