Խաղաղ օվկիանոսում՝ Նոր Կալեդոնիայի (Ֆրանսիայի անդրծովյան տարածք) ափերի մոտ շաբաթ օրը 7,4 մագնիտուդով երկրաշարժ է գրանցվել։ Այս մասին հայտնում է ԱՄՆ երկրաբանական ծառայությունը։
Ցնցումների էպիկենտրոնը գտնվել է Նոր Կալեդոնիայի վարչական կենտրոնից՝ Նումեայից 416 կմ հարավ-արևելք, որտեղ ապրում է ավելի քան 94 հազար մարդ։ Աղբյուրը գտնվել է 45 կմ խորության վրա։
Զոհերի և ավերածությունների մասին տեղեկություն դեռևս չեն ստացվել։
