Մեկ զոհ և վիրավորներ. ահազանգ՝ Գեղարքունիքի մարզային ճգնաժամային կառավարման կենտրոն

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին։

Նոյեմբերի 30-ին, ժամը 20։37-ին Գեղարքունիքի մարզային ճգնաժամային կառավարման կենտրոն ահազանգ է ստացվել, որ Վաղաշեն գյուղի մոտակայքում տեղի է ունեցել ՃՏՊ. կան տուժածներ:

Դեպքի վայր է մեկնել ԱԻՆ ՓԾ մարզային փրկարարական վարչության օպերատիվ խումբը:

Պարզվել է, որ բախվել են «VAZ-2101» (վարորդ՝ Լ. Ա., ծնված 2000 թ․) և «Mercedes-Benz Sprinter» (վարորդ՝ Պ. Պ., ծնված 1984 թ.) մակնիշների ավտոմեքենաները:

Մինչ փրկարարների կանչի վայր հասնելը՝ «VAZ-2101» մակնիշի ավտոմեքենայի վարորդը և «Mercedes-Benz Sprinter» մակնիշի ավտոմեքենայի ուղևոր Տ. Ղ.-ն (ծնված 2008 թ.) տեղի ուժերով դուրս են բերվել ավտոմեքենայից և հոսպիտալացվել Մարտունի քաղաքի ԲԿ, որտեղ բժիշկները նրանց առողջական վիճակը գնահատել են կայուն ծանր։

Փրկարարները հոսանքազրկել և փակել են «VAZ-2101» մակնիշի ավտոմեքենայի գազի բալոնի փականը, հատուկ տեխնիկայի օգնությամբ դուրս բերել ուղևոր Վ. Մ.-ի (ծնված 2005 թ․) դին և մոտեցրել շտապօգնության ավտոմեքենային: