«Հետախուզում-2019» օպերատիվ-կանխարգելիչ միջոցառման շրջանակներում ոստիկանության Արթիկի բաժնի քրեական հետախույզների անցկացրած բացատրական աշխատանքների շնորհիվ հունիսի 20-ին, ժամը 19.05-ին, ոստիկանության Արթիկի բաժին է ներկայացել 19-ամյա Հովհաննես Հ.-ն, որը մայիսի 21-ից հետախուզվում էր ՌԴ ՆԳՆ Ռոստովի մարզի Տագանռոգ քաղաքի իրավապահների կողմից ՌԴ քրեական օրենսգրքի 112 հոդվածի (դիտավորությամբ առողջությանը միջին ծանրության վնաս պատճառելը) մեղադրանքով:
***
«Հետախուզում-2019» օպերատիվ-կանխարգելիչ միջոցառման շրջանակներում ոստիկանության Տավուշի մարզային վարչության և Իջևանի բաժնի ծառայողները համատեղ միջոցառումներով հունիսի 20-ին, ժամը 19.30-ին, Տավուշի մարզի Սևքար գյուղից ոստիկանության Իջևանի բաժին բերման են ենթարկել 22-ամյա Հայկ Մ.-ին, որը հունիսի 13-ից հետախուզվում էր ՌԴ ՆԳՆ Կրասնոդարի երկրամասի ՆԳՎ-ի կողմից ՌԴ քրեական օրենսգրքի 264 հոդվածի (ճանապարհային երթևեկության կանոնները խախտելը) մեղադրանքով:
