Բրիտանական Daily Mail պարբերականը ներկայացրել է հետաքրքիր կացարաններ, որտեղ կարելի է հանգստանալ։
Առաջինը, որին պարբերականն անդրադարձել է տների և հյուրանոցների առցանց ամրագրման Airbnb ծառայության կայքում առկա Cliff House անունով հյուրանոցն է, որը կառուցված է Միացյալ Նահանգների Կոլորադո նահանգում՝ ժայռի մեջ։ Շրջակա միջավայրն առանձնանում է իր բնությամբ և պատմական հուշարձաններում։ Այստեղ հայտնաբերվել է 1000 տարվա հնություն ունեցող պատմական ժայռապատկեր, որոնք արվել են բնիկ ցեղերի կողմից։ Դրանք ներկայացնում են ծիսական կամ խորհրդանշական լեզվի մի տեսակ, որն ամբողջությամբ հասկանալի չէ դեռևս։
Մոտակայքում է գտնվում նաև Mesa Verde ազգային պարկը։ Այստեղ կան նաև 10 հազար տարվա հնությամբ տոհմական բնակավայրերի հետքեր։ Հյուրանոցում մեկ օրվա գիշերակացն արժե 334 դոլար և ամրագրման համար նվազագույն օրերի քանակը 3 գիշերն է։
Հաջորդը, որին անդրադարձել է Daily Mail-ը, Մեծ Բրիտանիայի Նորֆոլք քաղաքում գտնվող 300-ամյա հնության տունն է, որը ժամանակին պատկանել է հայտնի «Ջեյմս Բոնդ» ֆիլմի աստղ Ռոջեր Մուրին։ Տան ներքին կահավորումը անցյալի առանձնահատկությունների և ժամանակակից հարմարությունների զուգորդումն է։ Այստեղ կարելի է գտնել բոլոր հարմարությունները՝ Smart Tv, DVD, աստղադիտակ, ժամանակակից լոգարան, գրասենյակ։ Շենքը նախկինում հին ջրաղաց է եղել, որի վերին հարկերից հիանալի տեսարան է բացվում դեպի Նորֆոլքի գեղատեսիլ տարածություններ։ Տանը կարող է միաժամանակ տեղավորվել 5 հյուր և 2 շուն և այն 7 գիշերակացի համար արժե մոտ 2700 դոլար։
Կոլորադոյի «Քլիֆ Հաուս» հյուրանոց
Նորֆոլքի 300-ամյա տուն
